A ANPA Magnolia é a asociación de familias do cole. Organizamos servizos de conciliación, como o servizo matinal e as actividades extraescolares, apoiamos e impulsamos festas, representamos ás familias e tentamos facer a vida escolar un pouco máis doada (e tamén máis divertida) para toda a comunidade educativa.

A ANPA fórmana todas as familias socias do centro. É un proxecto colectivo, de familias para familias.

A xestión diaria lévaa unha xunta directiva, formada por nais e pais voluntarios que dedican parte do seu tempo a organizar, coordinar e facer posible todo isto.

Non. Asociarse é totalmente voluntario.

Agora ben, canto máis somos, máis servizos podemos manter, máis actividades podemos organizar e máis comunidade facemos entre todas.

A cota da ANPA Magnolia é de 25 € ao ano por familia. O que vén sendo menos que unha comida fóra… e dura todo o curso 😉

É moi sinxelo e faise en poucos minutos:

1. Entras na páxina de Faite socio.
2. Cubres o formulario de adhesión.
3. Realizas o pago da cota anual e adxúntalo á túa solicitude.

En canto rexistremos a alta, recibirás un correo de confirmación, unha mensaxe de benvida e o carné de socio/a.

Ir a “Faite socio”

Si. Podes facerte socio/a en calquera momento do curso. Iso si, se o tes claro, canto antes mellor: axúdanos a planificar servizos, organizar actividades e facer o curso máis estable para todas.

Si. A adhesión é por curso escolar, polo que é necesario renovala cada ano.

É un servizo pensado para facilitar a conciliación das familias, dispoñible de 8:00 a 9:00 nos días lectivos, antes do inicio das clases.

Un espazo tranquilo para empezar o día con tempo, sen carreiras nin estrés mañaneiro.

• Uso mensual: 30 € ao mes (por mes natural completo).
• Días soltos: 4 € por día (para necesidades puntuais).

Para usar o servizo é imprescindible ser socio/a e cubrir o formulario correspondente.

Máis info do Servizo Matinal

Son unha oferta pensada para complementar a xornada escolar, facilitar a conciliación das familias e crear espazos de aprendizaxe e lecer para o alumnado.

Todas as actividades extraescolares realízanse de 16:00 a 17:00.

Non tes que facer nada especial. A monitora da ANPA acompaña ao alumnado directamente desde o comedor ata cada actividade.

Si. Para participar nas actividades extraescolares é imprescindible ser socio/a. A cota é o que nos permite organizar, xestionar e manter as actividades ao longo de todo o curso.

Web de extraescolares

As actividades comezan no mes de outubro e xestiónanse mes a mes, con prazos fixos:

• Do 16 ao 20 do mes anterior: prazo para solicitar baixas.
• Do 21 ao 26 do mes anterior: prazo para novas altas (cambios e novas inscricións en prazas dispoñibles).

As inscricións atenderanse por orde de chegada, ata completar prazas. Se queres cambiar de actividade, lembra: primeiro hai que tramitar a baixa da actual.

As actividades páganse e desfrútanse por mes natural completo:

• Alta a metade de mes → págase o mes enteiro.
• Baixa a metade de mes → págase o mes enteiro.

Se a baixa non se solicita dentro do prazo establecido, a empresa pasará o recibo igualmente, xa que a praza segue reservada.

As altas e baixas tramítanse sempre polos canles oficiais, mediante os formularios web, que só admiten respostas nos prazos correspondentes.

Non sempre. Só aparecerán como dispoñibles aquelas actividades que teñan vacantes nese momento.

A recollida do alumnado faise sempre polo acceso da Escola de Música, que é o punto de saída establecido para as actividades extraescolares.

A saída pola Porta Moreira non está dispoñible para as extraescolares. Grazas por axudarnos a manter unha organización clara e segura para todas.

A ANPA xestiona as inscricións nos cursiños de natación da Piscina do Carmen (As Travesas), dependentes do IMD.

A inscrición é cuatrimestral (outubro–xaneiro e febreiro–maio) e os prazos adoitan abrirse a mediados de setembro e a mediados de xaneiro.
👉 Cando chega o momento, avisamos sempre pola web da ANPA e a través da newsletter, para que ninguén quede despistado.

As prazas e horarios son limitados e dependen das concedidas polo IMD.

Para participar é imprescindible ser socio/a. O alumnado inscrito no primeiro cuadrimestre debe renovar a inscrición se quere continuar no segundo.

Na web da ANPA Magnolia. Se é importante, acaba aí seguro. Ademais, avisamos tamén pola newsletter, así que se non queres perder nada, este é o mellor aliado 😉

Podes escribirnos ou chamarnos polos canles oficiais:

• Web da ANPA
• Correo electrónico
• Teléfono da ANPA: 616 008 784, de 9:00 a 14:00 nos días lectivos

Son os canles que usamos para organizarnos ben e poder responder a todo con cabeza (e non a correr).

Pode pasar 😊 Somos familias voluntarias e ás veces non chegamos a todo no momento. Se nos escribes, contestamos en canto podemos, palabra.

Mellor que non 🙂 Para temas da ANPA, usamos (sempre) os canles oficiais (web e correo). Deste xeito evitamos mensaxes soltas, despistes… e móbiles a todas horas.

Moitas das festas do cole están organizadas e financiadas pola ANPA Magnolia, sempre en colaboración co centro educativo.

Son momentos para xuntarnos, compartir e facer comunidade, máis alá do día a día.

Non. As festas están abertas a toda a comunidade educativa: todas as familias son benvidas.

Iso si, facerse socio/a é o que permite que estas festas (e moitas outras cousas) sexan posibles. Canto máis somos, máis podemos facer.

A organización corre a cargo da ANPA, coa colaboración do centro e, moitas veces, co apoio de familias voluntarias. Hai tarefas visibles… e moitas outras que non se ven, pero que fan que todo funcione.

Si. Todo o que se fai desde a ANPA baséase no traballo voluntario das familias. Facémolo con ilusión e ganas, pero sempre dentro do que é posible. Grazas por entendelo e coidalo entre todas.

Claro que si. A ANPA é un proxecto colectivo e toda axuda suma: un rato, unha man, unha idea ou ese clásico “en que boto unha man?”.

Se che apetece colaborar, participar como voluntario/a ou propoñer algo, escríbenos ao correo da ANPA. Sempre estamos encantadas de contar con máis xente.

Porque as festas non son só eventos: son momentos que crean recordos, vínculo e sentimento de cole. E porque cando sumamos mans, tamén sumamos risas.