Servizo de AULA MATINAL: Concilia dende as 8 da Mañá!

A ANPA da EEI Vilalaura pon en marcha un ano máis o seu servizo de Aula Matinal, pensado para facilitar a conciliación ás familias que precisan deixar aos seus pequenos na escola antes das 9:00h.

En que consiste?

Dende as 8:00h ata as 9:00h, nos días lectivos, os teus fillos estarán atendidos e coidados nas instalacións da escola.
Neste curso 2025/2026 o servizo comezará o vindeiro 8 de Setembro, coincidindo co inicio das clases. (Os nenos de primeiro curso poderán comezar a usar o servizo a partir do 15 de setembro).

Que farán os nenos na Aula Matinal?

Mentres agardan polo comezo das clases, os pequenos poderán desfrutar de:

• Xogos dirixidos para comezar o día con enerxía.
• Manualidades en datas sinaladas (Día da Paz, Nadal, Entroido…), estimulando a súa creatividade.
• Actividades de pintura para desenvolver a súa imaxinación.
• Os nenos que o precisen, tamén terán a opción de tomar o almorzo nas instalacións.
• Ao remate, os monitores encargaranse da entrega dos nenos nas súas aulas correspondentes.

Prezo e Inscrición

O prezo do servizo é de 30 euros ao mes, e este custo aplícase por mes natural, independentemente do día en que se comece a usar ou do número de días que teña o mes.

Se precisas o servizo só en días puntuais, tamén tes esa opción! O prezo por días soltos é de 4 euros por día.

Para poder facer uso deste servizo, é imprescindible ser socio da ANPA e cubrir o formulario de inscrición correspondente.

Non perdas esta oportunidade de facilitar as túas mañás e ofrecer aos teus fillos un inicio de xornada divertido e seguro! Para máis información e para solicitar o formulario de inscrición, contacta coa ANPA da EEI Vilalaura.