Únete á ANPA Magnolia para o curso 2025-2026!
Queridas familias,
Un ano máis, chegamos ao momento de facerse socio ou renovar a vosa adhesión á ANPA Magnolia para o curso 2025-2026!
Como ben sabedes, a nosa ANPA funciona grazas ás cotas dos socios, e todo o traballo que realizamos está dedicado integramente aos nosos fillos e fillas. Grazas á vosa colaboración, podemos seguir ofrecendo e xestionando servizos tan importantes como:
- Aula Matinal
- Actividades extraescolares
- Coidadora post-comedor
- Colaboración coa Horta Escola
Ademais, organizamos e participamos activamente en celebracións e eventos que fan do noso colexio un lugar máis divertido e acolledor:
- Magosto
- Reis Magos
- Entroido
- Excursións
- Festas varias
Por que é tan importante facerse socio?
Ao facervos socios, non só axudades a manter e mellorar estes servizos, senón que tamén contribuídes a crear un ambiente escolar máis dinámico e enriquecedor para todos. A vosa participación é fundamental para que o noso cole siga medrando!
Ademais, ao facervos socios, teredes descontos e vantaxes en moitas das empresas colaboradoras coa ANPA. Un pequeno beneficio para agradecer o voso apoio!
Queres botar unha man?
Tamén queremos aproveitar para animarvos a colaborar de forma voluntaria se tedes tempo e ganas. Pequenas axudas de moitos fan posibles grandes proxectos! Podedes unírvos en tarefas como:
- Ambientación do colexio para celebracións como o Samaín ou o Nadal.
- Voluntariado para a organización do pasarúas do Entroido ou as festas no patio.
- Achegar suxestións e ideas para novas actividades que beneficien aos nosos peques.
Como facerse socio ou renovar?
É moi sinxelo! Só precisades:
- Cubrir o formulario no seguinte enlace: [ENLACE AO FORMULARIO]
- Realizar o pago da cota de 25€ por familia. É importante que no concepto poñades os apelidos do neno/a para facilitar a xestión.
Non o penses máis e únete á ANPA Magnolia! Xuntos faremos un cole mellor para os nosos peques.
Moitas grazas pola vosa colaboración!
A Directiva da ANPA Magnolia