Actividades Extraescolares Curso 2025/2026

Xa está aquí a nosa proposta provisional de actividades extraescolares para o vindeiro curso 2025/2026! No ANPA Magnolia da EEI Vilalaura traballamos para ofrecer aos nosos nenos e nenas opcións divertidas e educativas fóra do horario escolar.

A continuación, presentámosvos o cadro de actividades, horarios e prezos. Lembrade que esta programación é provisional e está suxeita á formación de grupo en cada actividade.

Información importante a ter en conta:

• Medio de Pago: Os monitores de cada actividade informaránvos directamente sobre o medio de pago correspondente.
• Requisito indispensable: Para anotarse a calquera das actividades extraescolares é preciso ser socio do ANPA Magnolia. Se aínda non o sodes, podedes facervos socios antes de inscribirvos.
• Cambios e Baixas: Como todos os anos, podedes apuntarvos a unha actividade un mes e cambiar ao longo do curso. Para dase de baixa, o prazo é antes do día 20 do mes en curso. Para novas altas, podedes facelo do 21 ao 26 do mes en curso. Deste xeito, podemos xestionar coas empresas sen que pasen o recibo, evitando trastornos innecesarios.
• Inicio das actividades: O comezo das actividades será o 1 de outubro de 2025, sempre que se forme grupo suficiente para cada unha delas.

Inscricións e Contacto:

Para realizar as inscricións, achegamos o formulario que tedes que cubrir. Lembrade que, como mencionamos, é fundamental ser socio do ANPA antes de formalizar a inscrición.

Se tedes calquera dúbida, non dubidedes en consultarnos. Podedes enviarnos un mail ou chamarnos ao 616 008 784 (en horario de mañá).

Agardamos que as nosas propostas sexan do voso interese e que os vosos fillos e fillas desfruten moito das actividades!

NOTA: O formulario estará dispoñible a principios de setembro.