Como presentar a túa reclamación
A ANPA Magnolia xa presentou unha reclamación formal ante Educación pola falta de cobertura de varios recursos humanos na EEI Vila Laura. Agora as familias tamén poden facer chegar directamente á Administración a súa preocupación.
Non queremos que todas as reclamacións sexan idénticas nin que as familias teñan que copiar un escrito pechado.
A reclamación de cada familia pode ser breve e estar escrita coas súas propias palabras. O importante é explicar por que preocupa a situación e solicitar que Educación adopte medidas.
Accede á solicitude xenérica PR004A
A reclamación pode presentarse a través da solicitude electrónica xenérica PR004A da Xunta de Galicia.
Dirixe a solicitude a Educación
No destinatario, selecciona Educación e o Departamento Territorial de Pontevedra.
Departamento Territorial de Pontevedra
Para o Servizo Territorial de Inspección Educativa
Indica claramente o asunto
Explica por que reclamas
No apartado EXPÓN, conta a situación desde a túa condición de nai, pai ou titor/a do centro.
Non é necesario incluír todo. Podes mencionar aquilo que máis che preocupe.
- Que unha das profesoras de apoio de Infantil se xubilou e, segundo trasladou a dirección, desde Inspección consideran improbable cubrir esa praza.
- Que a persoa auxiliar coidadora que tiña praza no centro tamén se xubilou e aínda non se incorporou substitución.
- Que o servizo de Orientación está actualmente sen cubrir.
- Que Vila Laura conta con 10 aulas e actualmente só dispón de 2 apoios.
- Que che preocupa que a falta xeral de persoal poida acabar reducindo a atención específica do profesorado de PT e AL ao alumnado que precisa eses apoios.
- Que a falta de persoal deixa moi pouca marxe para gardas, substitucións e o funcionamento ordinario do centro.
Indica que solución solicitas
No apartado SOLICITA, pide que a Administración revise a situación e adopte as medidas necesarias.
Podes solicitar, por exemplo:
- Que se revise con carácter urxente a dotación real de persoal da EEI Vila Laura.
- Que se cubra a dotación de profesorado de apoio de Educación Infantil que corresponda ao centro.
- Que se garanta a incorporación do persoal auxiliar coidador necesario.
- Que se garanta a cobertura efectiva do servizo de Orientación.
- Que o profesorado de PT e AL poida manter as funcións específicas para as que está destinado.
- Que a falta xeral de persoal non reduza a atención educativa ao alumnado.
Cada reclamación conta
Se podes, presenta a túa reclamación canto antes.
Non é necesario achegar a reclamación da ANPA nin enviarnos ningún xustificante.
Acceder á solicitude PR004AXa presentaches a túa reclamación?
Se xa a presentaches, indícanolo aquí para que poidamos levar unha conta aproximada das familias que participaron.
Non che pediremos nome, correo electrónico nin xustificante.
O contador recolle as comunicacións feitas polas familias á ANPA e ten carácter orientativo.
Pingback: Vila Laura non pode esperar – ANPA MAGNOLIA VILA LAURA