🌟 Viaxe a Polaris · Un plan de Nadal para compartir en familia!
Na ANPA Magnolia encantannos os momentos que xuntan ás familias, e este ano temos unha proposta moi especial para dar comezo á época máis máxica do ano: iremos todos e todas ver “Viaxe a Polaris”, o Circo de Nadal instalado na Avenida Castelao – Coia.
“Viaxe a Polaris chega cargado de luz, humor e momentos deses que quedan na memoria: acrobacias, música, xestos cómicos e unha historia que fala de esperanza e ilusión. É un espectáculo pensado para desfrutar en familia e deixarse levar polo espírito do Nadal, vivindo xuntos esa maxia que tanto nos gusta compartir no Vila Laura.”
🌟 O noso día Polaris
📅 Cando imos?
Imos o domingo 14 de decembro ás 12:00 h, un horario cómodo para que todas as familias poidan gozar da mañá xuntas antes de seguir co día.
🎟 Entradas para irmos xuntiños/as:
Reservamos a Grada Central (Plata), para que todo o grupo do Vila Laura estea unido na mesma zona e poidamos desfrutar da experiencia en comunidade.
O prezo especial de grupo é de 12 € por persoa.
📍 Onde nos atopamos?
Na carpa do Circo de Nadal, en plena Avenida Castelao (Coia), preto do Alcampo.
🧡 Como participar:
Enchendo o formulario de inscrición e realizando o pagamento correspondente. As prazas confirmaranse por orde de solicitude. Canto antes vos apuntedes, máis fácil será organizar as butacas para que todas as familias poidan estar preto.
🧡 Confirmación e prazos
Unha vez realizado o pagamento, enviarémosvos un correo confirmando a vosa reserva e asignando as prazas dentro da zona do grupo.
O prazo de inscrición e reserva remata o 11 de decembro ás 21:00 h.
Unha vez pechado o prazo, as entradas serán enviadas por correo electrónico nun máximo de 48 horas.
✨ Animádevos a participar!
É unha oportunidade fermosa para vivir o Nadal coa comunidade Vila Laura, compartir ilusión e crear recordos preciosos nestas datas tan especiais.