Bo día a tod@s, nais, pais, nenas e nenos,
Dende a Anpa Magnolia querémosvos dar a benvida ó novo curso escolar 23/24.
Para arrancar con forza o novo curso comezamos polo principio. A ANPA mantense grazas as cuotas de socios, e todo o que facemos é por e para os peques: Aula Matinal, Magosto, Reis Magos, Entroido, Excursións…. etc. Por isto é moi importante que vos fagades socios, para manter e disfrutar destes servizos e así facer un cole mellor. Tamén vos animamos a botar unha man se podedes xa que cunha pequena axuda de moitos fanse cousas moi grandes. Podedes axudar en tarefas como ambientación Samaín, Nadal, etc, etc.
Para facerse socio simplemente é preciso cumplimentar a folla de inscripción de socio que facilitamos máis abaixo desta publicación e enviala cuberta ao noso enderezo electrónico xunto co xustificante de pago da cota (recordade poñer no concepto o nome do neno para facilitarnos a xestión)
Informamos que este ano continuamos organizando o servizo da aula matinal consistente en dar a opción de deixar aos pequenos no cole antes das 9:00 para as familias que o precisen. O horario é de 8:00 a 9:00 os días lectivos. Este servizo comezará coas clases o día 11 de Setembro. Para anotarse é preciso enviar cumplimentada a folla de inscripción da Gardería Matinal ao noso enderezo electrónico. Máis abaixo nesta comunicación compartimos unha pequena descripción do que se traballan as coidadoras deste servizo así como a folla de inscripción.
Asemade publicaremos, previsiblemente o vindeiro luns, o calendario de actividades extraescolares, que comezarán en Outubro. Lembrade que é necesario ser socio, para optar a todos estos servizos.
Esperamos que quedase claro, pero se vos quedan dúbidas recordade que podedes contactar conosco vía mail anpamagnoliavilalaura@gmail.com e respostaremosvos o antes posible.
E en tanto que non chegue o primeiro día do curso…. seguide a desfrutar do resto das vacacións. Aproveitade que queda pouco.