Boa tarde familias,
Arrancamos o novo curso escolar 2024-25 e dende a Anpa Magnolia desexamos darvos a benvida.
Queremos que lembredes que a ANPA mantense grazas as cotas de socios, e todo o que facemos é por e para os peques: Xestión da Aula Matinal, Xestión das extraescolares, Coidadora postcomedor, Magosto, Reis Magos, Entroido, Excursións, Festas …. etc. Por isto é moi importante que vos fagades socios, para manter e disfrutar destes servizos e así facer un cole mellor. Tamén vos animamos a botar unha man se podedes xa que cunha pequena axuda de moitos fanse cousas moi grandes. Podedes axudar en tarefas como ambientación do cole para as celebracións do Samaín, Nadal, etc, etc., voluntarios para axudar na organización do pasarúas no Entroido, nas diferentes Festas no patio que fagamos……
Os vindeiros días iremos publicando información sobre a aula Matinal, actividades extraescolares, etc.
Esperamos que quedase claro, pero se vos quedan dúbidas recordade que podedes contactar conosco vía mail anpamagnoliavilalaura@gmail.com e respostaremosvos o antes posible.
E en tanto que non chegue o primeiro día do curso…. seguide a desfrutar do resto das vacacións. Aproveitade que queda pouco.
Para facerse socio ou renovar simplemente é preciso cumplimentar o formulario no enlace que achegamos a continuación, xunto co xustificante de pago da cota, 25€ por familia (recordade poñer no concepto o nome do neno ou apelidos da familia para facilitarnos a xestión).