Temos o pracer de anunciar que proximamente teremos no centro unha actividade moi especial: un concerto didáctico de música en directo a cargo da Escuela de Música Amadeus.
Esta actividade, promovida pola ANPA Magnolia, poderá ser desfrutada polos peques dentro do horario escolar o vindeiro martes 24 de marzo e realizarase organizada por cursos, contando co apoio da Dirección do centro.
🎶 Concerto didáctico
Desde a Escuela de Música Amadeus tráennos unha proposta chea de ritmo, aprendizaxe e moitas sorrisas. A través deste concerto didáctico, os peques descubrirán os sons dunha forma máxica e divertida, porque aprender xogando (e cantando) sempre é mellor.
Durante a actividade, o alumnado non só escoitará música, senón que tamén interactuará cos músicos, participará co ritmo e deixarse levar pola experiencia… ¡mesmo haberá ganas de bailar!
🎼 En que consiste esta actividade?
Trátase dunha proposta educativa deseñada para achegar a música aos máis pequenos dun xeito dinámico e accesible. A través da interpretación en directo, a explicación dos instrumentos e a participación activa, os nenos e nenas poderán gozar dunha experiencia enriquecedora tanto a nivel cultural como emocional.
✨ Será unha experiencia educativa, divertida e moi especial. Estamos seguros de que os peques a vivirán con moita ilusión e desfrutarán da música en directo. 🎵
Por último, lembrade que a Escuela de Música Amadeus é unha escola colaboradora da ANPA Magnolia, polo que as familias socias poden beneficiarse de promocións especiais. Podedes consultar toda a información na sección de empresas colaboradoras da nosa web.
